Fochville maatskaplike dienste

PERSONEEL:

Die maatskaplike werk-pos by die kantoor was die afgelope tyd twee keer vir meer as 'n jaar vakant.
Die dienste is instand gehou deur die baie bekwame sekretaresse, en uithelp deur ander kollegas.

- Mevr Marina de Villiers : Sekretaresse
- Me Qure van Schalkwyk : Maatskaplike werker

WAAR IN DIE WÊRELD

Fochville is geleë tussen Potchefstroom en Carletonville op die Johannesburg pad, ongeveer 50 km vanaf Potchefstroom. Dit is nie sigbaar vanaf enige hoofpad nie - dus verskuil tussen die rante. Dit is 'n myn- en plaasgemeenskap en word as'n plattelandse dorp beskou.

KONTAKBESONDERHEDE

Straatadres : Russell Gebou, h/v Park en Presidentstraat
Posadres : Posbus 81, Fochville, 2515
Telefoon/faks : 0187712871
e-pos : fochvillemd@mweb.co.za

AARD VAN DIENSTE

Sake wat die meeste voorkom is kinderverwaarlosing, gedragsmoeilike tieners en armoede.
Ons is die enigste gesinsorgorganisasie in die dorp. Daar is wel 'n Departementele kantoor.

Dienste word gelewer in Fochville en Greenspark volgens ooreenkoms met die staat. Die kantoor word baie goed deur die gemeenskap ondersteun.

Qure van Schalkwyk (maatskaplike werker) en Marina de Villiers (sekretaresse) is die twee personeellede werksaam by Fochville Maatskaplike Dienste.

Fochville Maatskaplike Dienste se Kerspartytjie verlede jaar het hierdie twee kinderharte baie bly gemaak.

Plaaslike maatskappy finansier terapeutiese dienste

Master Drilling, 'n plaaslike maatskappy, finansier die kinder- en gesinsorgterapiedienste in Fochville. Hierdie kantoor se behoeftige kinders word dan gratis assesseer en gratis terapie word aan ouers verskaf.