NG Welsyn..miv & vigs
 
 
 

Die Christen MIV/Vigs Aksiegroep (CMVA)

Die Christen MIV/Vigs Aksiegroep het in 2001 ontstaan as 'n Vigs Werkgroep. Dit is 'n inisiatief van NG Welsyn saam met vrywilligers uit die Sinodale gebied van Wes-Transvaal.
Die behoefte is later identifiseer om die werkgroep te formaliseer met sy eie bestuur. Ander kommissies van die NG Kerk in Wes-Transvaal is ook genooi om 'n inset te lewer. Hierdie vergadering het plaasgevind op 30 Oktober 2003 en die Christen MIV/Vigs Aksiegroep is gestig onder voorsitterskap van ds Albert Horn van die NG Gemeente Mooirivier in Potchefstroom.
Die Christen MIV/Vigs Aksiegroep wil graag die kerk en breër gemeenskap bewus maak dat MIV en vigs óns probleem is. Dit is egter nie net 'n probleem nie, maar ook 'n geleentheid om diensbaar te wees en ons getuienis as Christene uit te leef en werklik 'n verskil in iemand se lewe te maak.

Vigsherdenkingsondag 16 Mei 2010

Die Vigstaakgroep van die NGK en VGK in die Wes-Kaap het in samewerking met CABSA riglyne opgestel vir gebruik tydens die erediens op Sondag 16 Mei wanneer Vigsherdenkingsondag wêreldwyd gevier word. Hierdie rolspelers is saam met die Christen MIV/Vigs Aksiegroep van die NG Kerk in Wes-Wesl, deel van die nasionale MIV/Vigs Forum. U is welkom om ook enige ander Sondag aan hierdie belangrike saak te wy.

Laai riglyne af

Ds Albert Horn is voorsitter van die Christen MIV/vigs Aksiegroep


CMVA lede
Voor v.l.n.r. Dr Adrie Roux, ds D Taiwe, ds Arnold Smith en Heleen Scholtz.
Agter v.l.n.r. Ds Albert Horn, ds Andries van Rooyen en ds Ben Botha.
 

Webblad ontwerp:: www.coeniecalitz.com E-pos: cjcalitz@lantic.net