Gesinsorg

Aannemings

In die lig van die bepalings van die nuwe Kinderwet wat op 1 April 2010 in werking getree het, sal NG Welsyn ongelukkig geen nie-openbaarmakende aannemings (waar die mamma en die aanneemouers mekaar nie ken of ontmoet nie) hierdie jaar behartig nie.
Baie min babas word deesdae vir aanneming beskikbaar gestel. Die samelewing se aanvaarding van ongetroude ouerskap en die ondersteuning wat ongetroude moeders van hulle ouers en die gemeenskap ontvang versterk die tendens dat al hoe meer ongetroude moeders hulle babas behou en self grootmaak. Ons sien selfs veertienjarige dogters wat hulle babas behou en hulle skoolloopbaan voltooi. Hulle speel letterlik netbal met die stootwaentjie langs die sportveld.
Enige persone wat babas vir aanneming beskikbaar wil stel of persone wat om nie-openbaarmakende aanneming aansoek wil doen, moet liefs by CMR Noord (Noordelike Sinode - skdbm@mweb.co.za) of NGBD Sinode Hoëveld (skdbstvl@mweb.co.za) navraag doen. Kontak gerus ook ABBA in Pretoria (www.abbaadoptions.co.za).
Ons sal wel voorlopig tot einde Maart 2011 aannemings behartig wat spruit uit bestaande pleegsorgsake of stiefouer aannemings.
Verdere kennis oor die voortsetting van die diens sal later gegee word.

Fokus op die behoeftes van individuele kliënte en gesinne

* Dienste wat by welsynskantore gelewer word is beskikbaar vir almal in die breë gemeenskap.
* Die verbrokkeling van gesinne gaan dikwels gepaard met verskeie maatskaplike probleme soos armoede, die impak van MIV en Vigs, misdaad deur volwassenes en kinders sowel as alkohol- en dwelmafhanklikheid.
* NG Welsyn se gesinsbehoudprogram fokus op die gesin as kerneenheid in die gemeenskap.
* NG Welsyn se doelstelling is om die verbrokkeling van gesinne te probeer voorkom deur middel van terapeutiese programme en ander metodes in die maatskaplikewerkpraktyk.

Welsynskantore: