Luipaardsvlei tehuis vir bejaardes, Krugersdorp

KONTAKBESONDERHEDE:

Luipaardsvlei Tehuis vir Bejaardes
h/v Hompesstr/Chamdorweg
Lewisham
Posbus 4043
Luipaardsvlei
1743

Tel: 011 955-2108/9
Faks: 011 955-3657
luiptvb@mweb.co.za

DIENSLEWERING:

Die versorgingsafdeling van die Tehuis huisves 106 pasiënte. Afsonderlike afdelings bied verskeie dienste wat wissel van persone wat slegs hulp benodig met onder andere bad of aantrek, tot bedlêende- en Alzheimerpasiënte. Uitstekende 24-uur verpleegsorg, gebalanseerde etes en maatskaplike dienslewering verhoog die gewildheid van die Tehuis. Daar is deurlopend 'n waglys vir aansoekers.

Bekostigbare selfsorg eenhede huisves 104 inwoners, baie van wie nog 'n eie tuintjie onderhou. Groepies van hierdie dames help met fondswerwing deur die bak van vetkoek, koeksisters, pannekoek, beskuit, ens. Ander maak uitrustings op bestelling in 'n volledig toegeruste naaldwerkkamer, of brei en hekel die mooiste artikels vir verkoop. Ouderdomme van hierdie helpers wissel van 60 tot 97!

Die Tehuis se saal is 'n gesellige bymekaarkomplek vir kerkdienste, begrafnisse, konserte, onthale, gesinsetes, speletjies en vele meer. Ons spog ook met 'n koffiehuis en lapa, biblio-, dvd- en legkaart-teek, asook groot grasperke, pragtige tuine en baie bome met 'n enorme verskeidenheid voëls. Die hele terrein is mensvriendelik met geen trappe of verdiepings nie.

As nie-winsgewende organisasie is finansies altyddeur 'n knyp-situasie maar met die genade van die Here, harde werk met fondswerwing en die goeie guns van 'n aantal kerke in die omgewing is ons in staat om behoeftige ouer persone 'n veilige tuiste te bied.

Me. Grietha Botes is die bestuurder van die tehuis en kan by bogenoemde nommer gekontak word.

ADVIESRAAD

Ds Anton Mieny, Voorsitter ( 011 953-5978)
Mnr Johann Gresse, Visevoorsitter & Ombudsman
Ds Muller Oosthuizen, Ring van Roodepoort verteenwoordiger
Mnr Amos Mphomela, Gemeenskapsverteenwordiger
Mnr Adries Lebakeng, Gemeenskapsverteenwordiger
Mev Dorie van Wyk, NG Kerk Luipaardsvlei verteenwordiger
Mev Petro Kruger, Familieverteenwoordiger
Mev Ria Janse van Rensburg, Inwonersverteenwoordiger
Sr C Sequeira, Personeelverteenwoordiger
Mev E Rossouw, Maatskaplike verteenwoordiger
Mev Shirley Theron, Hoofkantoorverteenwoordiger

Grietha Botes is die bestuurder van Luipaardsvlei Tehuis vir Bejaardes.

Die jaarlikse 'fancy dress' is maar een van die talle aktiwiteite waaraan inwoners deelneem.